प्रदेश स्तरिय भलिबल: धादिङको बिजयी सुरुवात,चितवन सोझो सेटमा पराजित

धादिङ । रामेछापमा आजदेखी सुरु भएको बागमती प्रदेश स्तरिय खुल्ला पुरुष भलिबल प्रतियोगितामा धादिङले बिजयी सुरुवात गरेको छ।

नेपाल विद्यार्थी संघ रामेछापको आयोजनामा आजबाट सुरुभएको प्रतियोगिता अन्तरगत धादिङले आज पहिलो खेलमा चितवनलाई सोझो सेटमा पराजित गरेको छ।

धादिङ टिममा मनोज श्रेष्ठको कप्तानीमा रविन नगरकोटी, शरण सामरी, अमन आले मगर, विदुर इटनी, बुद्धिमान तामाङ, योहाङ तामाङ, प्रदिप मगर र मोहन तामाङ रहेका छन् ।

नेपाल आर्मीका शरण सामरी राष्टिय टिमका खेलाडी हुन् भने रविन नगरकोटी नेपाल पुलिसका खेलाडी हुन् । धादिङ टिम कोचमा बिरु लामा रहेका छन्।

समुह बि मा रहेको धादिङले अब सिन्धुपाल्चोकसँग खेल्ने छ ।

धादिङको समुहमा सिन्धुपाल्चोक र चितवन परेका छन् ।समुह विजेता अर्को चरण प्रवेश गर्नेछ।

यस्तै समुह ए मा काठमाडौं, दोलखा र काभ्रे, समुह सि मा नुवाकोट र ललितपुर रहेका छन् भने समुह डि मा रामेछाप र सिन्धुली रहेका छन् ।

प्रतियोगिताको उपाधि विजेता टिमले नगद २ लाख, द्वितिय हुने टिमले १ लाख ५० हजार, तृतिय हुने टिमले १ लाख र सान्तवना हुने टिमले ५० हजारसहित शिल्ड, मेडल र प्रमाणपत्र पाउने छ।

लिगकम नकाउट सिस्टममा सञ्चालन हुने प्रतियोगिता रामेछापको जिसस प्राङगण मन्थलीमा जारी छ ।