धादिङको खरी आसपास केन्द्रबिन्दु भएर ६.१ रेक्टरस्केलको भूकम्प

धादिङ । धादिङको ज्वालामुखी गाउँपालिकास्थित खरी आसपास केन्द्रबिन्दु भएर भूकम्प गएको छ ।

राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् डा.लोकविजय अधिकारीका अनुसार बिहान ७ बजेर ३९ मिनेट जाँदा ६ दशमलव १ रेक्टरस्केलको भूकम्प गएको हो।

भूकम्पको धक्का धादिङसहित आसपासका जिल्ला  काठमाडौँ, गोरखा, नुवाकोट, कास्कीसहित देशका विभिन्न जिल्लाहरूमा महसुस भएको थियो । छिमेकी राष्ट्रहरुमा समेत भूकम्पको धक्का महसुस भएको बताइएको छ ।

डा.अधिकारीले भन्न्नुभयो,‘यो नयाँ भूकम्प होइन गोरखा भूकम्पको परकम्प हो।’ तर यो ठुलै धक्का भएकाले यसले ठूलै असर पार्नसक्ने अनुमान गरिएको छ ।

भूकम्पको क्षतिको विवरण भने आउन बाँकी छ ।

यसअघि गत असोज १६ गते बझाङमा केन्द्रविन्दू भएर ६.३ रेक्टर स्केलको भूकम्प गएको थियो । जसका कारण साना ठूला गरी ६०१ ओटा पराकम्पन आएका थिए ।