सिद्धलेक गाउँपालिका स्तरिय राष्ट्रपति रनिङ शिल्ड सलाङको अमर आदर्शमा हुने

धादिङ । धादिङको सिद्धलेक गाउँपालिका स्तरिय राष्ट्रपति रनिङ शिल्ड प्रतियोगिता सलाङको अमर आदर्श माविमा हुने भएको छ ।

शनिबार गाउँपालिकाका अध्यक्ष परशुराम खतिवडाको अध्यक्षतामा बसेको बैठकले गाउँपालिका भित्रको माध्यमिक विद्यालयहरुको राष्ट्रपति रनिङ शिल्ड प्रतियोगिता सिद्धलेक गा.पा-३ डुमीडाँडाको अमरआदर्श माध्यमिक विद्यालयमा मंसिर २७ गतेदेखी ३० गतेसम्म सञ्चालन गर्ने निर्णय गरेको नलाङ पात्ले माविका शिक्षक एवम जिल्ला भलिबल संघ धादिङका अध्यक्ष अमृत गुरुङ(तिलक)ले जानकारी दिनुभयो।

१३ सरकारी र १ निजी गरी १४ वटा माध्यमिक विद्यालय रहेको सिद्धलेकमा यसअघिको राष्ट्रपति रनिङ शिल्ड प्रतियोगिता वडा नं ४ सलाङघाटको जलेश्वरी माध्यमिक विद्यालयमा भएको थियो ।

यस प्रतियोगिताबाट जिल्ला स्तरिय राष्ट्रपति रनिङ शिल्ड प्रतियोगिताका लागि खेलाडी छनोट हुने छन्।