सिद्धलेकको राष्ट्रपति रनिङ शिल्ड प्रतियोगिता आजदेखी,मुख्यमन्त्री जम्कट्टेलले उद्घाटन गर्ने

धादिङ। सिद्धलेक गाउँपालिका स्तरीय राष्ट्रपति रनिङ शिल्ड प्रतियोगिता आजदेखी सुरु हुदैछ।

सिद्धलेक गाउँपालिकाको आयोजनामा वडा नम्बर-३ स्थित डुमीडाँडाको अमरआदर्श माध्यमिक विद्यालयमा हुने रनिङ शिल्डको बागमती प्रदेशका मुख्यमन्त्री शालिकराम जम्कट्टेलले उद्घाटन गर्नुहुने नलाङ पात्ले माविका शिक्षक एवम जिल्ला भलिबल संघ धादिङका अध्यक्ष अमृत गुरुङ(तिलक)ले बागमति कलमलाई जानकारी दिनुभयो।

आजदेखी ३० गतेसम्म हुने रनिङ शिल्डमा गाउँपालिका भित्रको माध्यमिक विद्यालयहरु सहभागी हुनेछन् ।

१३ सरकारी र १ निजी गरी १४ वटा माध्यमिक विद्यालय रहेको सिद्धलेकमा यसअघिको राष्ट्रपति रनिङ शिल्ड प्रतियोगिता वडा नं ४ सलाङघाटको जलेश्वरी माध्यमिक विद्यालयमा भएको थियो ।

यस प्रतियोगिताबाट जिल्ला स्तरिय राष्ट्रपति रनिङ शिल्ड प्रतियोगिताका लागि खेलाडी छनोट हुने छन्।