नेपाल सुपर लिगको फाइनलमा आज धनगढी एफसी र ललितपुर सिटी भिड्दै

नेपाल सुपर लिग फुटबलको उपाधिका लागि आज धनगढी एफसी र ललितपुर सिटी भिड्ने भएका छन्।

खेल दशरथ रंगशालामा साँझ साढे पाँच बजे हुने शुरु हुने छ।

लिग चरणमा ८ खेलमा ३ मा जित, ४ बराबरी र एक खेलमा हार बेहोरेर १३ अंकसहित दोस्रो स्थानमा रहँदै प्लेअफमा पुगेको धनगढीले पहिलो क्वालिफायरमा पोखरा थण्डर्सलाई पराजित गर्दै फाइनलमा पुगेको थियो ।

त्यस्तै लिग चरणमा ८ खेलमा २ जित, ४ बराबरी र २ हार बेहोरेको ललितपुर सिटीले इलिमिनेटरमा काठमाडौँ रेजर्सलाई र दोस्रो क्वालिफायरमा पोखरा थण्डर्सलाई पराजित गर्दै फाइनलमा पुगेको हो।

धनगढी एनएसएलको पहिलो सिजनको उपविजेतासमेत हो।त्यस्तै ललितपुर सिटी एफसी भने पहिलो पटक फाइनलमा पुगेको हो।