धादिङका अमृत तामाङलाई वल्ड तेक्वान्दो हेडक्वाटर (कुकियन)बाट पाँचौ डान

धादिङका तेक्वान्दो प्रशिक्षक अमृत तामाङले विश्व तेक्वान्दो मुख्यालय (कुकिवन) बाट तेक्वान्दोको पाँचौ डान लिएका छन् ।

तामाङ कुकिवनबाट ५ डान लिने धादिङको पहिलो खेलाडी बनेका छन् ।

नेपाली संघले दिने नेपाली प्रमाणपत्र नेपालमा मात्र मान्यता हुन्छ भने कुकिवनले दिने प्रमाणपत्रले विश्वको कुनै पनि देशमा मान्यता पाउने छ ।

अमृत तामाङ वि.स. २०५४ सालदेखि निरन्तर तेक्वान्दो खेलमा जोडिदै धादिङ जिल्लामा तेक्वान्दो विकासको लागि महत्त्वपूर्ण भूमिका खेल्दै आइरहेकाद छन् ।

उनले नेपाली सेनामा ३२ जनाको साथै अन्य विद्यालय र डोजाङहरुमा गरी ५०० जना भन्दा धेरै ब्ल्याकबेल्ट उत्पादन गरिसकेका छन् ।

हाल पनि धादिङ बोर्डिङ स्कुल र बीच बजार रहेको धादिङ तेक्वान्दो डोजाङमा तालिम सञ्चालन गर्दै आइरहेका तामाङले धादिङको खेलाडीहरूलाई फ्रान्श, मेक्सिको, रुस र थाइल्याण्ड लगाएतका देशहरुमा प्रतियोगिता खेल्नको लागि पठाईसकेका छन् ।

तामाङ प्रदेश खेलकुद विकास परिषद, बागमती प्रदेशका बोड सदस्य एवम राष्ट्रिय तेक्वान्दो संघको केन्द्रीय सदस्य समेत हुन् ।