नारायणगढ–मुग्लिन सडक माघ २० सम्म दैनिक ४ घण्टा बन्द,माघ १ गते बन्द नहुने

नारायणगढ–मुग्लिन सडक माघ २० गतेसम्म दैनिक ४ घण्टा बन्द गरिने भएको छ ।

गएको पुस ७ गतेदेखि दैनिक ४ घण्टा सडक बन्द गरी तुइन खोलामा पुल बनाउन पहाड काट्ने काम थालिएकोमा काम नसकिएपछि थप तीन हप्ता बन्द गरिने नागढुङ्गा–मुग्लिन सडक आयोजना पश्चिम खण्ड नारायणगढ–मुग्लिनका सूचना अधिकारी कृष्ण आचार्यले जानकारी दिनुभयो ।

माघे सङ्क्रान्तिको दिन भने सडक बन्द नहुने उहाँले बताउनुभयो।

सङ्क्रान्ति पर्वमा प्रसिद्ध धार्मिकस्थल देवघाट नुहाउन, दर्शन गर्न आउने भक्तजनहरुको सुविधाका लागि सडक बन्द नहुने जनाएको छ।