बेनिघाट रोराङका विभिन्न वडाहरुमा भूकम्प सम्बन्धि जनचेतनामूलक कार्यक्रम

धादिङ । धादिङको बेनिघाट रोराङ गाउँपालिकाका विभिन्न वडाहरुमा भूकम्प सम्बन्धि जनचेतनामूलक कार्यक्रम सञ्चालन गरिएको छ ।

“स्थानीय स्रोत र प्रविधि समेत प्रयोग गरौं, भुकम्प थेग्ने संरचना बनाऔं” भन्ने मूल नाराका साथ २६औं राष्ट्रिय भुकम्प सुरक्षा दिवसको अवसरमा जनचेतनामूलक कार्यक्रम सञ्चालन गरिएको हो।

चाईल्ड फण्ड जापान र प्रयास नेपाल धादिङको साझेदारीमा बेनिघाट रोराङको वडा नम्बर ६, ८ र १० का विभिन्न ठाउँमा भूकम्प जनचेतनामुलक ¥यालीे निकालिएको थियो ।

वडा नम्बर ८ को विदाङमा कालिका बालक्लबको आयोजना,गाउँपालिकाको समन्वय, कालिका माध्यमिक विद्यालय र सूर्योदय आधारभूत विद्यालयका करिव १ सय ७२ जना विद्यार्थीको सहभागिता रहेको थियो।

विद्यार्थीहरुले भूकम्प सम्बन्धी सचेतना सन्देशको प्रचा चैलिङ ,भुवाभन्ज्याङ देखि बिदाङ, साचक हँुदै वडा कार्यलय पुगेर कोण सभामा परिणत भएको हो।

कालिका बालक्लब अध्यक्ष असल चेपाङको अध्यक्षता रहेको कार्यक्रममा चन्द्रमुखी बालक्लबको अध्यक्ष तुलकुमारी श्रेष्ठको प्रमुख आतिथ्यता रहेको थियो भने वडा नम्बर ८ का वडा अध्यक्ष राजकुमार श्रेष्ठ,कालिका बालक्लबका फोकल शिक्षक प्रकाश गुरुङ, चन्द्रमुखी बालक्लबका फोकल शिक्षक गोकर्ण श्रेष्ठ, कालिका माध्यमिक विद्यालय र सूर्योदय आधारभूत विद्यालयका कक्षागत शिक्षक तथा शिक्षिका, विद्यालयका विद्यार्थीहरुको उपस्थित रहेको फिल्ड कार्यक्रम अधिकृत शुमित्रा चेपाङले जानकारी दिनु भएको हो।

त्यसै गरी वडा नम्बर ६ को स्यादुलमा पनि २६औं राष्ट्रिय भुकम्प सुरक्षा दिवसको अवसरमा भूकम्प सचेतना सन्देशसहितको ¥याली निकालिएको थियो।

कार्यक्रममा पञ्चकन्या माधयमिक विद्यालयका १२० जना विद्यार्थीको सहभागिता रहेको थियो।विद्यार्थीहरुले भूकम्प सम्बन्धी सचेतना सन्देशको प्रचा सहितको ¥यालीे गर्सिवासबाट सुरु गरी वडा कार्यालय पुगेर कोण सभामा परिणत भएको हो।

पञ्चकन्या बालक्लबको अध्यक्ष सुजन चेपाङको अध्यक्षता रहेको कार्यक्रममा वडा अध्यक्ष टेकनाथ सिल्वालको प्रमुख आतिथ्यता रहेको थियो। भने पञ्चकन्या माविका कक्षागत शिक्षक शिक्षिका लगायत विद्यार्थीहरुको उपस्थित रहेको फिल्ड कार्यक्रम अधिकृत विनोद पोखरेलले जानकारी दिनु भएको छ।

त्यस्तै वडा नम्बर १० को खोरभञ्ज्याङमा पनि २६औं राष्ट्रिय भुकम्प सुरक्षा दिवसको अवसरमा भूकम्प सचेतना सन्देशसहितको ¥याली निकालिएको थियो। कार्यक्रममा खोरभञ्ज्याङ माधयमिक विद्यालयका ७८ जना विद्यार्थीको सहभागिता रहेको थियो।

विद्यार्थीहरुले भूकम्प सम्बन्धी सचेतना सन्देशको प्रचा सहितको ¥यालीे लौताकबाट सुरु गरी वडा कार्यालय पुगेर कोण सभामा परिणत भएको थियो।

सगरमाथा बालक्लबको अध्यक्ष रितु चेपाङको अध्यक्षता रहेको कार्यक्रममा वडा अध्यक्ष विकास प्रजाको प्रमुख आतिथ्यता रहेको थियो भने खोरभञ्ज्याङ माविका कक्षागत शिक्षक शिक्षिका लगायत विद्यार्थीहरुको उपस्थित रहेको फिल्ड कार्यक्रम अधिकृत सुरज श्रेष्ठले जानकारी दिनु भएको छ।