धादिङबाट २ थान भरूवा बन्दुकसहित एकजना पक्राउ

धादिङ। धादिङ प्रहरीले २ थान एकनाले भरुवा बन्दुकसहित एक जनालाई पक्राउ गरेको छ ।पक्राउ पर्नेमा गजुरी गाउँपालिका–४ अर्चलेका ५६ वर्षीय धन बहादुर प्रजा रहेका छन् ।

प्रजाको घरमा भरूवा बन्दुक रहेको भन्ने सूचनाको आधारमा ईलाका प्रहरी कार्यालय गजुरीबाट खटिएको प्रहरीले बुधबार राति घर तलासी गर्ने क्रममा लोड अवस्थामा रहेको बन्दुक फेला पारी पक्राउ गरिएको प्रहरीले जनाएको छ।

यस सम्बन्धमा प्रहरीले आवश्यक अनुसन्धान गरिरहेको जनाएको छ।