शुरु भयो धादिङ महोत्सवःमुख्यमन्त्री जम्कट्टेलद्वारा उद्घाटन,कृषिजन्य उत्पादन र जलयात्रालाई प्राथमिकता(भिडियोसहित)

धादिङ। नवौं धादिङ महोत्सव आजबाट शुरु भएको छ ।

धादिङ उद्योग वाणिज्य संघको आयोजना तथा गजुरी गाउँपालिकाको संरक्षकमा ‘धादिङको दिगो विकास र अर्थतन्त्रको आधार, कृषि, पर्यटन जलश्रोत तथा उद्योगको पूर्वाधार’ भन्ने मूलनारासहित गजुरी–५ गलौदीस्थित त्रिशुली नदीको किनारमा महोत्सव शुरु भएको हो ।

महोत्सवको बागमती प्रदेशका मुख्यमन्त्री शालिकराम जम्कट्टेलले उद्घाटन गर्नुभएको हो ।

उद्घाटनपछि सम्बोधन गर्दै मुख्यमन्त्री जम्कट्टेलले बागमती प्रदेशले कृषि उत्पादनलाई देशकै आधुनिक मोडलमा लैजान लागेको बताउनुभएको छ। उद्योग वाणिज्य संघले धादिङलाई कृषि र पर्यटन सँग जोड्ने योजना बनाउनुपर्ने भन्दै उहाँले लगानी गर्ने व्यवसायीहरुलाई सरकारले आवश्यक सहयोग गर्ने बताउनुभयो।

महोत्सवको उद्घाटन पूर्व पृथ्वीराजमार्ग अन्तरगत गजुरीबजारबाट महोत्सव स्थलसम्म बाजागाजा सहित जिल्लाका विभिन्न जातीय पहिचान र भेषभुषा झल्काउने सास्कृतिक ¥याली निकालिएको थियो ।

जिल्ला भित्रका कृषिजन्य उत्पादन र जल यात्रालाई प्राथमिकता दिन, पर्यटन, घरेलु उद्योग, व्यापार तथा साँस्कृतिक र पर्यटन क्षेत्रको प्रवर्द्वनमा टेवा पु¥याउने उद्धेश्यले पृथ्वी राजमार्ग र त्रिशुली नदीको किनारमा महोत्सव आयोजना गरिएको धादिङ उद्योग बाणिज्य संघका अध्यक्ष विष्णु थपलियाले जानकारी दिनुभयो ।

महोत्सवमा घाटबेसी–गलौंदी सम्म र गलौंदी स्थित त्रिशुलीमा दुई प्याकेज बनाएर ¥याफ्टिङ हुने, मेला अवधिभर कृषि तथा ¥याफ्टिङका बारेमा विशेषज्ञहरुबाट जानकारी गराइने छ भने स्थानीय उत्पादनलाई महत्व दिँदै कृषि पदर्शनी र घरेलु सामाग्री प्रदर्शनीमा उत्कृष्टलाई पुरस्कारको समेत व्यवस्था गरिने अध्यक्ष थपलियाले बताउनुभयो।

महोत्सवको आम्दानीबाट संघको संस्थागत विकाससँगै व्यवसायिक पुस्तकालय सहितको व्यवसायिक सुचना केन्द्र र सुविधा सम्पन्न सभाहल निर्माणको लक्ष्य लिएकोे अध्यक्ष थपलियाको भनाई छ।

२५० स्टलहरु रहेको महोत्सवमा कृषि, दुग्धजन्य पदार्थ, हस्तकलाबाट निर्मित सामग्री, धादिङका खनिजजन्य पदार्थ, जडीबुटी प्रदर्शन हुने,महोत्सव अवधिभर रमाइलो मेला,राष्ट्रिय तथा स्थानीय कलाकारहरुले मनोरञ्जन प्रदान गरिने धादिङ उद्योग बाणिज्य संघका महासचिव तिलक सिंखडाले बताउनुभयो।

माघ २१ गतेसम्म सञ्चालन हुने महोत्सवमा पाँच करोड बढीको व्यापार हुने आयोजकले बताएको छ।

महोत्सवको उद्घाटन गर्दै बागमती प्रदेशका मुख्यमन्त्री शालिकराम जम्कट्टेलले के भने हेर्नुहोस् भिडियो :