आयाम इङलिस स्कुलको खेलकुद सप्ताह सम्पन्न

धादिङ । सिद्धलेक गाउँपालिका वडा नं १ स्थित नलाङ बैरेनीमा रहेको आयाम इङलिस स्कुलको खेलकुद सप्ताह सकिएको छ।मंगलबारदेखी शुरु भएको सप्ताह शुक्रबार सम्पन्न भएको आयाम इङलिस स्कुलकी व्यवस्थापक ममिता अर्यालले बागमती कलमलाई जानकारी दिनुभयो ।

खेलकुद सप्ताहमा भएको विभिन्न खेलका विजेताहरुलाई ट्रफी र प्रमाणपत्र वितरण गरेसंगै खेलकुद सप्ताह सकिएको हो ।

विद्यालय प्रधानाध्यापक आश वहादुर गुरुङको अध्यक्षतामा भएको समापन कार्यक्रममा सिद्धलेक गाउँपालिका अध्यक्ष परशुराम खतिवडाको प्रमुख आतिथ्यता रहेको थियो ।कार्यक्रममा विद्यालय व्यवस्थापन समिति अध्यक्ष चन्द्रलक्ष्मी श्रेष्ठ, विद्यालय संचालक समिति सदस्य सुनिता कारखेती, भाइस प्रिन्सिपल लक्ष्मी सिखडा, बैरेनी युवा क्लवका अध्यक्ष शंकर भट्ट लगाएतको आतिथ्यता रहेको थियो ।

कार्यक्रमलाई सम्बोधन गर्दै प्रमुख अतिथि गाउँपालिका अध्यक्ष खतिवडाले विद्यालयहरुमा आयोजना हुने यस्ता खेलकुद कार्यक्रमले लुकेर रहेको प्रतिभाहरुलाइ उजारगर गर्न सहयोग पुग्ने बताउनुभयो ।

आयाम इङलिस स्कुलले पूर्णता शैक्षिक निति नियममा रहेर विद्यालय संचालन गरेकोमा धन्यवाद व्यक्त गर्दै उहाँले अभिभावकहरुलाई विद्यालयको भरमा मात्र नपरेर अभिभावकको तर्फबाट गर्नुपर्ने कार्यहरु गर्न आग्रह गर्नुभयो ।सिद्धलेक भित्र ३ वटा बोडिङ स्कुल रहेको भएपनि आयाम अरुभन्दा फरक ढंगवाट सञ्चलानमा रहेको,शैक्षिक गतिविधिलाई खेलकुद, कम्प्युटर, प्रोजेक्टर मार्फत अगाडी बढाइरहेकोले यो स्कुलको भविष्य रहेको बताउनुभयो ।

अध्यक्ष खतिवडाले विद्यालयका संचालक अध्यक्ष आफै नै खेलप्रेमी भएकाले विधालय अतिरक्त क्रियाकलापमा आगामी दिनमा अझै अव्वल हुने पनि बताउनुभयो ।आगामी शैक्षिक सत्र २०८१ देखि यस स्कुलमा कक्षा १ देखि ८ सम्म क्रमिक रूपले ६/७/८ कक्षा संचालनको लागी अनुमति प्रदान गर्ने पनि उहाँको भनाई थियो ।

कार्यक्रममा विद्यालय सञ्चालक समितिका अध्यक्ष विकास कोइरालाले खेलकुदले विद्यार्थीको पढाईसंगै चौतर्फी विकास हुने भन्दै शिक्षासंगै अतिरिक्त क्रियाकलापले विद्यार्थीमा भएको प्रतिभा प्रस्फुटन हुने भएकाले खेल सप्ताह गरिएको बताउनुभयो।

चारदिनसम्म सञ्चालन भएको खेल सप्ताहमा प्राइमरी तथा प्री प्राइमरी अन्तरगत बल रेस, फ्रग रेस, फुटबल, भलिबल, कबड्डी, स्पोन रेस, निडल थ्रेड रेस लगायतका खेलहरु भएका थिए भने शिक्षक र अभिभावकबिच पनि बिभिन्न खेलहरु भएका छन्।

अभिभावकविचको विशेष गेममा प्रथम, द्वितीय र तृतीय हुनेलाई इलेक्ट्रोनिक जग, थर्मस, र हटकेस प्रदान गरिएको थियो भने भाग्यमानी अभिभावक गेम अन्तरगत प्रथम हुनेले आगामी शैक्षिक सत्र २०८१ को लागी ७५ प्रतिशत, द्वितीय हुनेले ५० प्रतिशत र तृतिय हुनेले २५% छुट पाउनुभएको स्कुलकी व्यवस्थापक अर्यालले बताउनुभयो ।