धादिङबेसीमा फोटो तथा दृश्य सम्पादन गर्ने सम्बन्धि तालिम सुरु

धादिङ ।धादिङबेसीमा फोटो तथा दृश्य सम्पादन गर्ने सम्बन्धि पत्रकारिता तालिम  सुरु भएको छ ।

धादिङका दलित तथा जनजाति पत्रकारलाई विद्युतिय प्रविधिसँग जोड्ने र पत्रकारिता पेशामा दक्ष बनाई आत्मनिर्भर बनाउने उद्देश्यले पत्रकारिता तालिमको आयोजना गरिएको हो ।

आधुनिक तथा विद्युतिय प्रविधिको उच्चतम प्रयोग गर्न सके पत्रकारिता थप प्रभावकारी बन्ने नीलकण्ठ नगरपालिकाका उपप्रमुख दिपक विश्वकर्माले बताउनुभयो।

नेपाल आदिवासी जनजाति पत्रकार महासंघ (फोनिज) धादिङले आयोजना गरेको पत्रकारिता तालिमको उद्घाटन समारोहको सम्बोधन गर्दै उहाँले यस्तो बताउनुभएको हो ।

‘मिडियोले सत्य तत्यमा आधारित पत्रकारिता त गर्नपर्छ नै । तर नागरिकको आवश्यकता र चाहाना अनुरुपको पत्रकारिता पनि आवश्यक छ । मिडियाले दिने सुचना र सञ्देश नागरिकको अपेक्षलाई पनि ख्याल गर्नुपर्छ । पुराना शैलीमा भन्दा आधुनिक र विद्युतिय प्रविधिको उच्चतम प्रयोग गर्नुपर्छ’ उहाले भन्नुभयो– ‘सञ्चार माध्यम र पत्रकारले धादिङका सवाल उठाएर सरोकारवाला निकायलाई जिम्मेवारी बोध गएको छ । यससँगै विकास निर्माण र सुशासनको क्षेत्रमा खेलेको भूमिका उल्लेखनिय छ ।

फोनिज धादिङले आयोजना गरेको यस तालिमले प्रविधिसँग जोड्न र धादिङको पत्रकारितालाई थप अब्बल बनाउन सहयोग पुग्ने अपेक्षा गरिएको छ । नीलकण्ठ नगरपालिकाले सहकार्य गर्न पाउँदा आभारी छौं । फोनिज धादिङसँगको यो सहकार्य निरन्तर चलिरहनेछ ।’

यस पत्रकारिता तालिमले नागरिकलाई सुसुचित गराउने अभियानमा थप निखारता आउने प्रमुख जिल्ला अधिकारी बद्रीनाथ गैह्रेले बताए । पत्रकारहरुको हक अधिकार स्थापित गर्न पत्रकार महासंघले विशेष प्राथमिकता दिएर काम गरिरहेको नेपाल पत्रकार महासंघ बागमती प्रदेश समितिका महासचिव कृष्ण सारु मगरको भनाई छ ।

त्यस्तै, यस्ता क्षमता विकास तालिमले पत्रकारको गुणत्मक विकास हुने र सिंगो पत्रकारितामा सकरात्मक प्रभाव पर्ने नेपाल पत्रकार महासंघ धादिङका अध्यक्ष राजाराम शर्माले बताउनुभयो।

नीलकण्ठ नगरपालिकाको आर्थिक सहयोगमा मंगलबारबाट शुरु भएको पत्रकारिता तालिमको पहिलो दिनमा पत्रकारिता क्षेत्रमा देखिएका चुनौती तथा अवसरसँगै सवाल पहिचान र उठ्ठानका विषयमा फोनिज केन्द्रीय समितिका उपाध्यक्ष अमरध्वज लामाले जानकारी गराउनुभएको थियो।

त्यस्तै, फोनिज बागमती प्रदेशका अध्यक्ष युवराज श्रेष्ठले भाषण कला, फोटो तथा भिडियोको महत्वका विषयमा जानकारी गएका छन् । फोनिज बागमती प्रदेशकै महासचिव श्याम रानाले फोटो र भिडियो खिच्दा ध्यान दिनुर्ने विषयमा उपस्थितिलाई जानकारी दिनुभएको थियो।

यस्तै प्रशिक्षक ध्रुव प्रसाद पराजुलीले फोटो सप सम्बन्धी आधारभुत टुल्सका विषयमा जानकारी गराएका छन् ।

विहिबारसम्म चल्ने तालिममा फोटो दृश्य खिच्ने तथा सम्पादन गर्ने विषयमा तालिम चल्ने फोनिज धादिङका अध्यक्ष अर्जुन श्रेष्ठले बताउनुभयो ।

धादिङका विभिन्न सञ्चार माध्यममा आवद्ध दलित र जनजाति पत्रकारहरुको सहभागिता रहेका छन् ।

पत्रकारितामा पहिले सिक्ने, टिक्ने अनि मात्रै काम गर्न सक्छ भनि विश्वास हुने, अरुले खोज्ने र विक्न सकिने हुदा दलित तथा जनजाति पत्रकारलाई विद्युतिय प्रविधिसँग जोड्ने र पत्रकारिता पेशामा दक्ष बनाई आत्मनिर्भर बनाउने उद्देश्यले पत्रकारिता तालिमको आयोजना गरिएको अध्यक्ष श्रेष्ठले बताउनुभयो।