रात्री बस दुर्घटना हुँदा १० जनाको मृत्यु

कपिलवस्तुको शिवराज नगरपालिका वडा नम्बर १ सुरही पुल नजिकै रात्री बस दुर्घटना हुँदा १० जनाको मृत्यु भएको छ।४० जना घाइते भएका छन् ।

बुधबार राति १ बजे महेन्द्रनगरबाट काठमाडौं जाँदै गरेको सुनौलो महाकाली यातायातले सञ्चालन गरेको सु–प–प्र–०२–००१ ख ००९८ नम्बरको बस दुर्घटनामा परेको जिल्ला प्रहरी कार्यालय कपिलवस्तुले जनाएको छ।

घाइते मध्ये ९ जनालाई उपचारका लागि बुटवल रिफर गरिएको छ। अन्यको सञ्जीवनी र आधारभूत अस्पतालमा उपचार भइरहेको कपिलवस्तुका प्रहरी उपरीक्षक नवरत्न पौडेलले बताउनुभयो।

मृतकहरूको सनाखत हुन सकेको छैन।घाइते सबैको उद्धार गरी अस्पताल पठाइसकिएको प्रहरीले जनाएको छ।

तिव्र गतिका कारण बस सडकबाट तल खसेको प्रहरीको अनुमान छ।