ग्यासको सिलिन्डर पड्किँदा १ जनाको मृत्यु,पाँच जना घाइते

बाराको निगजढ नगरपालिका–७ मा रहेको एउटा वर्कसपमा ग्यासको सिलिन्डर पड्किँदा एक जनाको मृत्यु भएको छ ।

मृत्यु हुनेमा निजगढ–५ का ४५ वर्षीय रेशम मगर रहेको जिल्ला प्रहरी कार्यालय बाराका प्रहरी नायब उपरीक्षक दधिराम न्यौपानेले जानकारी दिनुभयो ।

दुर्घटनामा अन्य पाँच जना घाइते भएका छन् ।घाइतेहरूको बयोधा अस्पताल वीरगञ्जमा उपचार भइरहेको प्रहरीले जनाएको छ।आज दिउँसो रोहित वर्कसपमा लेथमा ग्यास बेल्डिङ गर्ने क्रममा सिलिन्डर पड्किएको थियो ।