त्रिकोणात्मक टी-२० सिरिज आजदेखि,आज नेपाल र नामिबिया खेल्दै

आजदेखि नेपाल, नामिबिया र नेदरल्याण्डसबीचको त्रिकोणात्मक टी-२० सिरिज शुरु हुदैँछ ।

सिरिजको पहिलो खेलमा आज नेपाल र नामिबिया खेल्दै छन् ।खेल बिहान ११ः ३० बजेदेखि टियु क्रिकेट मैदान, किर्तिपुरमा शुरु हुनेछ।

नेपाल क्रिकेट संघले यस सिरिजका लागि रोहित पौडेलको कप्तानीमा १८ सदस्यीय टिमको घोषणा गरेको छ ।

नेपाली टीममा रोहित पौडेल कप्तान, आसिफ सेख, कुशल भुर्तेल, कुशल मल्ल, दिपेन्द्र सिंह ऐरी, ललित राजबंशी, करण केसी, गुलशन झा, सोमपाल कामी, प्रतिश जिसी, सन्दीप जोरा, बिनोद भण्डारी, बिबेक यादव, अनिल शाह, रशिद खान, सगर ढकाल, आरिफ सेख र अविनाश बोहोरा रहेका छन् ।

आइसीसीको टी-२० वरियतामा तिन देश मध्ये नामिबिया सबैभन्दा अगाडी रहेको छ । नामिबिया आइसीसी वरियतामा ११औं स्थानमा रहेको छ भने नेदरल्याण्डस १५औं स्थानमा रहेको छ ।

त्यस्तै नेपाल १६औं स्थानमा रहेको छ ।