समाजसेवी अर्यालद्धारा पण्डितचौर आविलाई खेलकुद सामाग्री सहयोग

धादिङ । समाजसेवी दामोदर अर्यालले नीलकण्ठ नगरपालिका वडा नं १२ मा रहेको पण्डितचौर आधारभुत बिद्यालयलाई खेलकुद सामाग्री सहयोग गर्नुभएको छ ।

मंगलबार बिद्यालयको ३६ औ बार्षिक उत्सवको अवसरमा आयोजित कार्यक्रममा समाजसेवी अर्यालले आफ्नै व्यक्तिगत खर्चमा विद्यालयलाई खेलकुद सामाग्री सहयोग गर्नुभएको हो ।

उहाँले भलिबल, क्यारेम बोर्ड, ब्याडमिन्टन ¥याकेट लगाएतको १२ हजार बराबरको खेलकुद सामाग्री बिद्यालयका व्यवस्थापन समिति अध्यक्ष द्रोनचार्य सिंखडा र प्रधानाध्यापक कुमार प्रसाद रिजाललाई हस्तारन्तरण गर्नुभएको हो ।

बिद्यार्थीको शिक्षासँगै खेलकुद क्षेत्रमा पनि सहयोग पुगोस् भन्ने उद्देश्यले खेलकुद सामाग्री सहयोग गरिएको बताउनुभयो । अर्याल सामाजिक जागरण र बाल अधिकारको क्षेत्रमा समर्पित हुनुहुन्छ।

बिद्यालय व्यवस्थापन समिति अध्यक्ष द्रोनचार्य सिंखडाको अध्यक्षतामा भएको बार्षिक उत्सवमा नीलकण्ठ नगरपालिकाका मेयर भिम प्रसाद ढुङ्गानाको प्रमुख आतिथ्यतता तथा वडा नं १२ का वडाध्यक्ष धर्मराज भण्डारीको बिशेष आतिथ्यता रहेको थियो ।

कार्यक्रममा विद्यालयका प्रधानाध्यापक कुमार प्रसाद रिजालले बार्षिक प्रतिवेदन तथा भावी रणनीति प्रस्तुत् गर्नुभएको थियो ।साथै कार्यक्रममा साँस्कृतिक क्रियाकलाप सँगै बिभिन्न रचनात्मक क्रियाकलाप प्रस्तुत गरिएको थियो ।