धादिङमा काठ चिर्ने आरोले घाँटीमा चोट लागेको अवस्थामा भेटिए एक युवक

धादिङ । खनियाबास गाउँपालिका–१ झार्लाङमा काठ चिर्ने आरोले घाँटी काटिएको अवस्थामा एक युवक युवा फेला परेका छन्।नेत्रावती डवजोङ गाउँपालिका–५ कटुञ्जेका ईश्वर गुरुङ घाइते अवस्थामा फेला परेका हुन् ।

निर्माणाधिन झार्लाङ गिलिङ्चो गुम्बामा हिजो राती करिव १ वजे घटना घटेको स्थानीय मनिष तामाङले जानकारी दिनुभयो । घाँटीको रुद्रीघण्टी आरोले काटिएको अवस्थामा भेटिएको तामाङले बताउनुभयो ।

उनको घाँटीमा ठूलो चोट लागेकोले बोल्न सक्दैनन् ।हाल घाइते गुरुङको स्थानीय र प्रहरीको सहयोगमा उद्धार गरी अस्पताल पठाइएको मनिष तामाङले बताउनुभयो ।

घटना बारे अनुसन्धान भइ रहेको र अनुसन्धानपछि मात्रै थप जानकारी आउने जिल्ला प्रहरी कार्यालय धादिङका प्रहरी उपरीक्षक गौतम केसीले बताउनुभयो ।