अपाङ्गता भएका व्यक्तिलाई घरैमा पुगेर नागरिकता प्रदान

धादिङ । जिल्ला प्रशासन कार्यालय धादिङले गंगाजमुना गाउँपालिका–४ का अपाङ्गता भएका एक नागरिकलाई घरमै पुगेर नागरिकता प्रदान गरेको छ ।

प्रमुख जिल्ला अधिकारी बद्रीनाथ गैह्रेको नेतृत्वको टोलिले गंगाजमुना–४ की अस्मीता थापा र धनमाया वाँडालाई शनिबार घरमै पुगेर नागरिकता वितरण गरेको हो ।

दुबैजनालाई राष्ट्रिय परिचयपत्रको लागि विवरण समेत दर्ता गरी राष्ट्रिय परिचयपत्र नम्बर समेत उपलब्ध गराईएको छ।

नागरिकता लगायतका सेवालाई नागरिकको पहुँचमा सरल र छिटो ढंगले पु¥याउने उद्धेश्यले प्रशासन कार्यालयसम्म पुग्न नसक्नेलाई घरमै सेवा दिएको र यसलाई निरन्तरता दिने प्रमुख जिल्ला अधिकारी गैह्रेले बताउनुभयो ।

जिल्लाका अन्य स्थानमा अशक्त र अपांगता भएका सेवाग्राहीहरू रहेको पाईए त्यस्ता सेवाग्राहीलाई समेत यथाशीघ्र सेवा उपलब्ध गराईने उहाँको भनाई छ।