६ किलो ९ सय ग्राम चरेशसहित धादिङका चिन बहादुर पक्राउ

धादिङ । मकवानपुरको हेटौंडा उपमहानगरपालिका-१९ नेवारपानीबाट करिब ६ किलो ९ सय ग्राम अवैध लागूऔषध चरेशसहित एक जना पक्राउ परेका छन्।

पक्राउ पर्नेमा धादिङको गजुरी गाउँपालिका-८ बस्ने ३३ वर्षीय चिन बहादुर डिमडुङ तामाङ रहेको प्रहरीले जनाएको छ।

सोमबार दिउँसो काठमाडौंबाट वीरगंजतर्फ जाँदै गरेको ना ७ ख २०१८ नम्बरको बसलाई इलाका प्रहरी कार्यालय नेवारपानीबाट खटिएको प्रहरीले जाँच गर्ने क्रममा बसमा सवार तामाङलाई उक्त चरेशसहित पक्राउ गरेको प्रहरीले जनाएको छ।