कक्षा १२ को परीक्षा आजदेखि,४ लाख ९१ हजार विद्यार्थी सहभागी हुदै

कक्षा १२ को परीक्षा आज देखि शुरु हुदै छ । राष्ट्रिय परीक्षा बोर्डका अनुसार परीक्षामा ४ लाख ९१ हजार ४९७ विद्यार्थी सहभागी हुदैँ छन् ।

जसमा नियमिततर्फ १ लाख ९६ हजार ९१४ छात्रा र १ लाख ९३ हजार ९३३ जना छात्र गरी ३ लाख ९० हजार ८४७ परीक्षार्थी र एक लाख ६५० ग्रेडवृद्धितर्फका विद्यार्थी सहभागी हुने बोर्डले जानकारी दिएको छ ।

७७ वटै जिल्ला र जापानको एकसमेत गरी १ हजार ५२६ केन्द्रमा परीक्षा सञ्चालन हुन लागेको बोर्डले जनाएको छ । यस परीक्षामा सबैभन्दा बढी काठमाडौंमा १४४ र मनाङ र मुस्ताङमा एक(एक परीक्षा केन्द्र तोकिएको छ ।

बिहान ८ बजेदेखि ११ बजेसम्म सञ्चालन हुने परीक्षा वैशाख २६ गते सञ्चालन हुनेछ ।