१० महिनामा १५ लाख २८ हजार थान मोबाइल फोन आयात,कति अर्ब बाहिरियो

नेपालमा १० महिनाको अबधीमा १५ लाख २८ हजार थान मोबाइल फोनको आयात भएको छ।

चालू आर्थिक वर्ष २०८०र८१ को १० महिना साउनदेखि वैशाखसम्ममा २४ अर्ब रुपैयाँभन्दा धेरै मूल्यका १५ लाख २८ हजार थान मोबाइल फोन आयात भएको भन्सार विभागले जनाएको छ ।

यो पोहोरको १० महिनाको तुलनामा चार अर्ब रुपैयाँभन्दा धेरै हो । गएको वर्षको साउनदेखि वैशाखसम्म २० अर्ब ४१ करोड रुपैयाँ मूल्यका १३ लाख थान मोबाइल आयात भएका थिए।

सबैभन्दा धेरै चीनबाट १५ अर्ब ८० करोड रुपैयाँ मूल्यका १० लाख ९५ हजार थान मोबाइल आयात भएका छन् । यस्तै भारतबाट १० महिनामा सात अर्ब ८१ करोड रुपैयाँका मोबाइल फोन आयात भएका भन्सार विभागले जनाएको छ ।

अहिले गाउँ–गाउँमा पनि स्मार्टफोनको प्रयोग बढ्न थालेसँगै आयात पनि बढिरहेको हो ।