धादिङका हरि अधिकारीको मनाङमा लेक लागेर मृत्यु

धादिङ-धादिङको गंगाजमुना गाउँपालिका–५ फुलखर्कका हरि अधिकारीको मनाङस्थित थोराङ्ला भञ्ज्याङमा लेक लागेर मृत्यु भएको छ।

अधिकारीको मनाङ ङिस्याङ गाउँपालिका–८ स्थित थोराङ्ला भञ्ज्याङ पार गर्ने क्रममा बुधबार लेक लागेर (अक्सिजन अभाव भइ) मृत्यु भएको मनाङका प्रमुख जिल्ला अधिकारी सुवासकुमार लामिछानेले जानकारी दिनुभयो।

प्रजिअ लामिछानेका अनुसार पदमार्ग अन्तर्गतको पाँच हजार चार सय १६ मिटर उचाइमा अवस्थित थोराङ्ला भञ्ज्याङ पदयात्राका क्रममा अधिकारीको घटनास्थलमै मृत्यु भएको हो।

मृतक अधिकारीको शव हेलिकाेप्टरमार्फत काठमाडौं ल्याइएको छ।