महिला मानव अधिकार रक्षकहरुको जिल्ला संजाल धादिङको अध्यक्षमा तिवारी

धादिङ । महिला मानव अधिकार रक्षकहरुको जिल्ला संजाल धादिङको अध्यक्षमा खिल कुमारी तिवारी चयन हुनुभएको छ ।

धादिबेशीमा सोमबार भएको संजालको दशौं साधारण सभा तथा पाँचौ अधिवेशनले तिवारीको अध्यक्षतामा १३ सदस्यीय नयाँ कार्यसमिती चयन गरेको हो ।

नयाँ कार्यसमितीको उपाध्यक्षमा दुर्गा अधिकारी, सचिवमा ज्ञानु कँडेल, सहसचिवमा रविना पौडेल र कोषाध्यक्षमा शुसिला भण्डारी चयन हुनुभएको छ ।

त्यस्तै सदस्यहरुमा भगवती अर्याल, शान्ता रुपाखेती, उर्मिला श्रेष्ठ, राधिका सापकोटा, हरिमाया शाही, आरती शाह , सीता रिजाल (अपंगता क्षेत्र) र स्नेहा श्रेष्ठ(युवाको क्षेत्र) चयन हुनुभएको छ ।

महिला मानवअधिकार रक्षकहरुको जिल्ला संजालका अध्यक्ष गायत्री खतिवडाको अध्यक्षतामा भएको कार्यक्रममा महिला मानवअधिकार रक्षकहरुको राष्ट्रिय संजालको पुर्व महासचिव राधिका सापकोटाको प्रमुख आतिथ्यता रहेको थियो।

कार्यक्रममा जिल्लाभर बाटनै प्रतिनिधित्व गरि आएका महिला मानवअधिकार रक्षकहरुको सहभागिता रहेको थिए।