प्रथम सिद्धलेक म्हेन्दोमाया कप फुटबल प्रतियोगिता हुने, पुरस्कार राशि कति ?

धादिङ । धादिङको सिद्धलेक गाउँपालिकामा ‘प्रथम सिद्धलेक म्हेन्दोमाया कप, ९ ए साइड खुल्ला फुटबल नकआउट प्रतियोगिता’ हुने भएको छ ।

सिद्धलेक–१, नयाँबस्तीको म्हेन्दोमाया युवा समाजको आयोजना तथा सिद्धलेक गाउँपालिकाको सहआयोजनामा वडा नं १ को बाँजोगरा खेल मैदानमा पहिलोपटक ९ ए साइड खुल्ला फुटबल नकआउट प्रतियोगिता हुने भएको हो ।

आगामी असोज ६ गतेदेखि ८ गतेसम्म हुने प्रतियोगिताको विजयी हुने टिमले रु १ लाख (१,००,००) नगदसहित ट्रफी,मेडल र प्रमाणपत्र प्राप्त गर्नेछन् भने उपविजेताले रु ५० हजार (५०,०००) नगदसहित ट्रफी,मेडल र प्रमाणपत्र पाउनेछन् ।

यसैगरी सेमिफाइनलसम्म पुग्ने टोलीले रु १५,००० प्राप्त गर्ने व्यवस्था आयोजकले जनाएको छ ।

‘युवाहरुको बाटो कुलत र दुव्र्यसन होईन,समाज विकास र राष्ट्र निर्माण हो’ भन्ने उद्देश्यका साथ आयोजना गर्न लागिएको प्रतियोगिताको NKUYC,सिद्धलेक गाउँपालिका–१, कालिदहले सहयोग गर्ने आयोजकले जनाएको छ ।

प्रतियोगितामा सहभागी हुन टिम दर्ता असोज ३ गतेसम्म खुला गरिएको छ भने दर्ता शुल्क रु दश हजार तोकिएको छ ।

आयोजकले प्रतियोगितामा सहभागी हुन इच्छुक टोलीले तोकिएको समयमै दर्ता प्रक्रिया पूरा गर्न अनुरोध गरेको छ ।

प्रतियोगिताबारे जानकारीको लागि

सम्पर्क नं. ९८५१२७७४२२, ९७६३२४०६७४, ८८४०७२३०३५, २७६३६८५१५५, ९८६३२०८७०७