धादिङमा २ रोपनी क्षेत्रफलमा लगाइएको गाँजा फडानी गरी नष्ट

धादिङ। धादिङको गजुरी गाउँपालिका-४ चौकीभञ्ज्याङमा अवैध रूपमा लगाइएको गाँजा प्रहरीले फडानी गरी नष्ट गरेको छ।

बिहिवार इलाका प्रहरी कार्यालय गजुरीबाट खटिएको प्रहरी टोलीले चौकीभञ्ज्याङस्थित करिब २ रोपनी क्षेत्रफलको जग्गामा लगाइएको लागू औषध गाँजा फडानी गरी नष्ट गरेको जिल्ला प्रहरी कार्यालय धादिङले जनाएको छ।

प्रहरीले लागू औषध नियन्त्रण तथा न्यूनीकरण अभियानअन्तर्गत उक्त गाँजा खेती नष्ट गरिएको जनाएको छ।

अवैध रूपमा गाँजा खेती गर्ने कार्य कानुनविपरीत भएकाले यस्ता गतिविधिविरुद्ध निगरानी तथा कारबाहीलाई निरन्तरता दिइने प्रहरीले जनाएको छ।

गाजा फडानी गर्दै प्रहरी (तस्वीर)