नीलकण्ठ जेष्ठ नागरिक समन्वय समितिमा कृष्णबहादुर अधिकारी

धादिङ । नीलकण्ठ जेष्ठ नागरिक समन्वय समितिमा कृष्णबहादुर अधिकारी चयन हुनुभएको छ ।

बिहिवार भएको नगर स्तरीय जेष्ठ नागरिक भेलाले अधिकारीको अध्यक्षतामा १५ सदस्यीय नीलकण्ठ नगर समन्वय समिति गठन गरेको हो ।

समितिकाे उपाध्यक्षमा भरतप्रसाद अधिकारी, सचिवमा भवनाथ अधिकारी, काेषाध्यक्षमा तारादेवी अर्याल चयन हुनुभएको छ।

समितिकाे सदस्यहरुमा कुलप्रसाद ढकाल, लाेक बहादुर सार्की, केदार काेइराला, ठ कुमारी काेइराला, फत्त प्रसाद धमला, चित्रकुमारी भण्डारी, लालबहादुर गुरुङ, बाेधराज सुवेदी, चन्द्रकुमारी नेपाल, भवनाथ अधिकारी, उजेली गुरुङलाई चयन हुनुभएको छ।

कार्यक्रममा जेष्ठ नागरिक नगर भेलाकाे नीलकण्ठ नगरपालिका प्रमुख भीम प्रसाद ढुंगानाले अहिले घर घरमा पुगेर स्वास्थ्य सेवा प्रवाह भइरहेको बताउनुभयो।

नगरपालिकाले जेष्ठ नागरिकको हक हित र संरक्षणमा विशेष प्राथमिकता राखेर काम गर्दै आएको उहाँको भनाई छ ।