नागढुंगा-मुग्लिन सडकखण्ड गएरातिदेखि अवरुद्ध

काठमाण्डौ । पृथ्वी राजमार्ग अन्तर्गत धादिङको बेनीघाट रोराङ गाउँपालिकाको जवाङ खोलानजिकै र चितवनको इच्छाकामना गाउँपालिका फिसलिङमा पहिरो खसेर नागढुंगा–मुग्लिन सडकखण्ड गएरातिदेखि अवरुद्ध भएको छ ।

दकाठमाण्डौ ओहोरदोहोर गर्ने मुख्य नाका अवरुद्ध भएका कारण काठमाण्डौ बाहिर जाने गाडीलाई नागढुंगामै रोकिएको छ ।

यसैगरी काठमाण्डौ भित्रिने गाडीलाई कुरिनटारमा रोकेर राखिएको प्रहरीले जनाएको छ । पहिरो पन्छाउन अझै केही समय लाग्ने धादिङ र चितवन प्रहरीले जनाएका छन् ।

नारायणगढ-मुग्लिन-पोखरा सडक भने खुला छ । यसैगरी काभ्रेको रोशीमा पनि पहिरो खसेका कारण बीपी राजमार्ग गएरातिदेखि बन्द छ । सडक खुलाउने प्रयास भैरहेको काभ्रे प्रहरीले जनाएको छ । filephoto