६ किलो चरेससहित धादिङका २ युवक पक्राउ

काठमाडौं । काठमाडौं महानगरपालिका-२८ पद्मोदय चोकबाट ६ किलोग्राम अवैध लागूऔषध चरेससहित २ जना पक्राउ परेका छन् ।

पक्राउ पर्नेहरूमा धादिङको गजुरी गाउँपालिका-८ बस्ने २७ वर्षीय युवराज तामाङ र २७ वर्षीय नरेश तामाङ रहेका छन् ।

सोमबार बिहान प्रहरी वृत्त सिंहदरबारबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । साथै उनीहरूले प्रयोग गरेको बा-प्र-०२-०६० प ६१८८ नम्बरको मोटरसाइकल समेत प्रहरीले बरामद गरेको छ ।

यस सम्बन्धमा आवश्यक अनुसन्धान भईरहेको प्रहरीले जनाएको छ ।