बुढिगण्डकी बाढी: प्रसिद्ध धार्मिक स्थल नृसिंहधाममा क्षति,हवन कुण्ड डुबायो

धादिङ । धादिङको प्रसिद्ध धार्मिक पर्यटकीय स्थल त्रिपुरासुन्दरी गाउँपलिका-१ स्थित सल्यानटार फेदीमा रहेको नृसिंह धाममा बाढीले क्षति पुर्‍याएको छ ।

आइतबार बुढीगण्डकी नदीमा आएको बाढीले नेत्रावती नदी थुनिएपछी बाढी धाम क्षेत्रमा पसेको धामका पीठाधीश डा. श्रीवास कृष्णदास ब्रह्मचारीले जानकारी दिनुभयो।

बाढीले गत जेठमा यज्ञका लागि बनाइएका सबै हवन कुण्डमा क्षति पुगेको छ।

बुढीगण्डकी र नेत्रावती नदीको संगमस्थल नृसिंहधामका हवन कुण्डहरू मध्ये तीन वटा बगाएको र चार वटा मर्मत गर्नै नसकिनेगरी क्षति पुगेको ब्रह्मचारीले बताउनुभयो।

त्यहाँ २९ वटा हवनकुण्ड थिए ।

गत जेठमा भएको पुरुषोत्तम महामहोत्सवमा सात देशका नागरिक सहित ३३ लाख भक्तजनले दर्शन गरेका थिए ।

चार करोड ४४ लाख भेटी दानभेटी संकलन भएको थियो ।

बाढीको कटानले विद्यार्थीहरूले अध्ययन गर्ने आश्रम नजिकै पहिरो झरेको छ । पहिरोका कारण आश्रमसमेत जोखिममा परेको छ ।