मुलुकको तिब्र विकास गर्न आफ्नो महत्वपूर्ण भूमिका रहन्छ : पाण्डे

धादिङ,२६ कात्तिक ।
नेकपा एकिकृत समाजवादीका उपाध्यक्ष एवम् धादिङ क्षेत्र नं १ प्रतिनिधि सभाका उम्मेदवार राजेन्द्र प्रसाद पाण्डेले मुलुकको तिब्र विकास गर्न आफ्नो महत्वपूर्ण भूमिका रहने बताउनुभएको छ ।

शुक्रवार सिद्धलेक गाउँपालिकाको वडा नं. १, २, ३, ४ मा मतदाताहरुसंग भेटघाट गर्दै पाण्डेले धादिङको विकासमा आफु ४० वर्षदेखि सक्रिय रहेको भन्दै निर्वाचनपछि बन्ने साझा सरकारले मुलुकमा तिब्र विकास गर्ने र त्यसमा आफ्नो महत्वपूर्ण भूमिका रहने बताउनुभएको हो ।

बागमती प्रदेशका मुख्यमन्त्री समेत रहनुभएका पाण्डेले संविधानको रक्षा र मुलुकको विकासका लागि गठवन्धनका उम्मेदवारलाई जिताउनु पर्ने बताउनुभयो ।

एमालेका अध्यक्षले संविधानमाथि प्रहार गर्दै पटक पटक सार्वभौम संसद विघटन गरेकाले जनमतको कदर गर्न र संविधानको रक्षा गर्न पनि गठवन्धनले जित्न जरुर रहेको उहाँको भनाई थियो