धादिङ क्षेत्र नं १ को सेटै गठबन्धनले जित्यो

धादिङ,०८ मंसिर ।
धादिङ क्षेत्र नं १ को प्रतिनिधि सभा र दुई प्रदेश सभा लोकतान्त्रिक बाम गठबन्धनले जितेको छ । प्रतिनिधि सभा सदस्यमा नेकपा एसका राजेन्द्र पाण्डे तथा प्रदेश सभामा क मा मधुकुमार श्रेष्ठ र ख मा माओवादी केन्द्रका शालिकराम जम्मकटेल विजयी भएका हुन् ।

राजेन्द्र पाण्डेले एमालेका भुमि त्रिपाठीलाई ७ हजार ९८१ मत अन्तरले हराए। पाण्डेको ३५ हजार ९३४ मत आउँदा त्रिपाठीले २७ हजार ९५३ मत प्राप्त गरे ।

यसैगरी प्रदेश सभा (क) मा काँग्रेसका श्रेष्ठले एमालेका रमेश आचार्यलाई पराजित गरे । श्रेष्ठले १७ हजार ८३२ मत ल्याउँदा आचार्यले १६ हजार ५३८ मत पाए ।
प्रदेश सभा (ख) बाट माओवादीका जम्मकटेल निर्वाचित भएका छन् । उनले एमालेका गजेन्द्र थपलियालाई ७ हजार ४२७ मत अन्तरले हराएका हुन् । जम्मकटेलको १९ हजार ९०३ मत आउँदा थपलियाको १२ हजार ४७६ मत आएको छ ।

धादिङको यस क्षेत्रमा प्रतिनिधि तर्फ एमाले राप्रपाको तालमेल थियो भने प्रदेशमा एमाले एक्लै चुनावी मैदानमा थियो । सत्ता गठबन्धनका तर्फबाट प्रतिनिधि र प्रदेशमा नै नेपाली काँग्रेस, माओवादी केन्द्र र नेकपा एसको गठबन्धन रहेको थियो ।