अन्तराष्ट्रिय स्वयमसेवक दिवसमा धादिङका ५३ जनाद्धारा रक्तदान

धादिङ,२१ मंसिर ।
अन्तराष्ट्रिय स्वयमसेवक दिवस २०२२ को अवसरमा धादिङबेशीमा ५३ जनाले रक्तदान गरेका छन् ।

बुधबार युवा रेडक्रस सर्कल निलकण्ठ माध्यमिक विद्यालयको आयोजनामा नीलकण्ठ मावि परिसरमा भएको रक्तदान कार्यक्रममा १९ महिला र ३४ पुरुष गरि ५३ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

रक्तदान कार्यक्रममा नेपाल रेडक्रस सोसाईटी रक्त संचार केन्द्र धादिङको प्राविधिक सहयोग रहेको थियो।