नेप्सेमा २७.५४ अंकको गिरावट

आज सेयर बजार परिसूचक नेप्सेमा करिब डेढ प्रतिशतको गिरावट भएको छ । आइतबार बजार मापन गर्ने सूचक २७.५४ अंकले घटेर १८५५.०६ बिन्दुमा रोकिएको छ ।

२५० कम्पनीको ३७ लाख ७८ हजार ९५१ कित्ता सेयर १ अर्ब १५ करोड ७१ लाख ५५ हजार ९९ रुपैयाँको सेयर किनबेच भएको छ ।

धमाधम लाभांश आइरहँदा पनि त्यसले लगानीकर्तालाई आकर्षण गर्न सकेको छैन । कारोबारमा सबै समूहको उपसूचकमा गिरावट आएको छ। बैंकिङ समूहको १९.५८, विकास बैंक ६८.८७, वित्त कम्पनी ४३.९३, होटल तथा पर्यटन २५.३५, जलविद्युत ४०.५३, उत्पादन तथा प्रशोधन ३८.४५, माइक्रोफाइनान्स ५६.२६, निर्जीबन बीमा समूहको उपसूचक ६७.०८ बिन्दुमा रोकिएको छ ।