मिन्दुका मावि सिद्धलेकका शिक्षक कृष्णप्रसाद सिलवालको निधन

धादिङ,१२ पुस ।
सिद्धलेक गाउँपालिका–१ नलाङको मिन्दुका माविका शिक्षक कृष्णप्रसाद सिलवालको निधन भएको छ । ४६ वर्षिय शिक्षक सिलवालको स्क्रब टाईफसका कारण निधन भएको हो ।

ज्वरो नियन्त्रणमा नआएपछि सिलवाललाई धादिङबाट काठमाडौंस्थित ग्राण्डी अस्पताल लगिएको थियो । कलेजो र फोक्सो खराव भएसँगै जण्डिस देखिएको शिक्षक सिलवालको उपचारको क्रममा आईतबार निधन भएको हो ।

शिक्षक सिलवाल नेपाल राष्ट्रिय शिक्षक संगठन धादिङका कोषाध्यक्ष हुन भने नेपाल रेड्क्रस सोसाइटी नलाङ शाखाका सभापति समेत थिए ।