धादिङबेशी साँघुटारमा घरमा आगलागी हुँदा १५ लाख बढिको क्षति

नीलकण्ठ नगरपालिका–८ स्थित धादिङबेशी साँघुटारका २ घरमा आगलागी हुँदा १५ लाख बढिको क्षति भएको छ।

आज बिहान करिब ३ः५० बजेको समयमा सांघुटारका अमृत सिटौलाको २ तले घरमा सटर भाडामा लिई बस्ने तनहुँको शुक्ला गण्डकी–२ दुलेगौडाकी सरिता श्रेष्ठले संचालन गरेको सरिता ईन्टरप्राईजेट (भाँडा पसलमा) बिधुत सर्ट भई आगलागी हुंदा पसल भित्र रहेको सरसामान, भाँडाकुडा, कागजपत्र तथा घरको दुई कोठासहित करिब पन्ध्र लाख बराबरको क्षति भएको जिल्ला प्रहरी कार्यालय धादिङका प्रहरी नायव उपरीक्षक श्याम बहादुर खत्रीले जानकारी दिनुभयो ।

श्रेष्ठको घरबाट सल्केको आगोले धादिङ त्रिपुरासुन्दरी–८ का बिकाश ठकुरीले संचालन गरेको सजिना खाजा घरमा समेत आगलागी हुदाँ ६० हजार बराबरको सरसामान जलेर नष्ट भएको जिल्ला प्र्रहरी कार्यालय धादिङले जनाएको छ । नगरपालिकाको दमकल र नेपाल प्रहरी, सशस्त्र प्रहरी, नगर प्रहरी र स्थानियको सहयोगमा करिब ४ः२५ बजे आगो नियन्त्रणमा लिइएको प्रहरी नायव उपरीक्षक खत्रीले बताउनुभयो ।