मावि शिक्षक युनियन नेपाल (हिस्टुन धादिङ)को अध्यक्षमा माझी

धादिङ,२१ माघ ।
माध्यमिक विद्यालय शिक्षक युनियन नेपाल(हिस्टुन) धादिङको अध्यक्षमा सुशील कुमार माझी चयन हुनुभएको छ । हिस्टुन धादिङ जिल्ला कार्यसमितिको आयोजना तथा त्रिपुरा पुस्तक पसलको प्रायोजनमा शनिबार धादिङबेशीमा सम्पन्न भएको दोस्रो जिल्ला अधिबेशनले माझीको अध्यक्षतामा ११ सदस्यीय कार्यसमिती चयन गरेको छ ।

कार्यसमितिको खुला उपाध्यक्षमा उमेश श्रेष्ठ, महिला उपाध्यक्षमा सुनिता मिश्र,सचिवमा नविन श्रेष्ठ, कोषाध्यक्षमा नारायण सिंखडा, सहसचिवमा अमृता खतिवडा चयन हुनुभएको छ । हिस्टुन धादिङका अध्यक्ष राजु गोदारको अध्यक्षतामा सम्पन्न अधिवेशनमा माध्यमिक विद्यालय शिक्षक युनियन नेपालका केन्द्रिय महासचिव टिका प्रसाद न्यौपानेको प्रमुख आतिथ्यता रहेको थियो ।