प्रेस युनियन बागमती प्रदेश अध्यक्षमा युवराज पुरी,कार्यसमितिमा धादिङका तिनजना

नेपाल प्रेस युनियन बागमती प्रदेश अध्यक्षमा युवराज पुरी निर्वाचित भएका छन् । बुधवार चितवनको सौरहामा सम्पन्न प्रेस युनियन बागमती प्रदेशको प्रथम अधिवेशनले युवराज पुरीको अध्यक्षतामा २५ सदस्यीय प्रदेश समिति चयन गरेको हो ।

कार्यसमिति उपाध्यक्षहरूमा सुजन विडारी, श्रीराम नेपाल र गोमा थापा, महासचिवमा पूर्ण शर्मा, सचिवमा राजन बस्नेत, रमेश पौडेल र सरिता पौडेल, कोषाध्यक्षमा विकास रौनियार चयन भएका छन् ।कार्यसमितिमा धादिङबाट तिनजना चयन भएका छन् । जसमा  उपाध्यक्षमा थापा,कोषाध्यक्षमा रौनियार र सदस्यमा मनिश श्रेष्ठ रहेका छन् ।