एड्भान्स एकेडेमीद्धारा विद्यार्थीलाई धान रोप्न सिकाउँदै

धादिङ । सदरमुकाम धादिङबेशीस्थित नीलकण्ठ नगरपालिका-३ मा रहेको एड्भान्स् एकेडेमीले विद्यार्थीहरुलाई हिलो खेतमा धान रोप्न सिकाएको छ ।

किताबमा धान कसरी रोप्ने र कसरी फलाउने भन्ने पढेका विद्यार्थीहरुलाई धान दिवसको अवसरमा विधार्थीहरुलाई धान रोप्न सिकाईएको हो।

सामाजिक विषय अन्तर्गत विद्यालयको तर्फबाट अतिरिक्त विभागीय प्रमुख सुनिता तामाङ र नेपाली विषय विभागीय प्रमुख मथुरा राना मगरको नेतृत्वमा धान दिवसको अवसर पारेर कक्षा ८, ९ र १० मा अध्ययनरत विद्यार्थीहरुलाई नीलकण्ठ नगरपालिका-९ भ्वाने आँसी खोला खेतमा धान रोपाइँ सिकाईएको विद्यालयका प्रधानाध्यापक भिम बहादुर श्रेष्ठले बताउनुभयो ।

नयाँ पुस्तालाई कृषि र परम्परासँग परिचित गराइ धान खेतीमा वैज्ञानिकिकरण र आधुनिक कृषिमा नवप्रवर्तन सोचको विकास गर्ने उद्देश्यले विद्यार्थीहरुलाई पुस्तक बाहेक वास्तविक जीवन शिक्षासँग जोड्दै कार्यक्रमहरु आयोजना गर्ने गरिएको प्रधानाध्यापक श्रेष्ठले बताउनुभयो ।

उत्साहपुर्वक सहभागितामा धान रोपेका विद्यार्थीहरु खेतमा रोपाइँको अनुभव लिन पाउँदा निकै खुसी देखिन्थे ।