गजुरीबाट २१ किलो लागुऔषध गाँजासहित २ जना पक्राउ

धादिङ,३० फागुन ।
गजुरीबाट लागुऔषध गाँजासहित दुई जना पक्राउ परेका छन् ।

धादिङको गजुरी गाउँपालिका–१ गजुरी बजारस्थित सडकबाट अवैध लागुऔषध गाँजा २१ किलोग्रामसहित २ जनालाई पक्राउ गरेको ईलाका प्रहरी कार्यालय गजुरीले जनाएको छ ।

पक्राउ पर्नेहरूमा गजुरी गाउँपालिका–८ बस्ने ४५ वर्षीय चन्द्र बहादुर तामाङ र सोही ठाउँ बस्ने ४० वर्षीय राज कुमार तामाङ रहेका छन् ।

ईलाका प्रहरी कार्यालय गजुरीबाट खटिएको प्रहरीले काठमाडौंबाट भैरहवातर्फ जाँदै गरेको लु.१ ख.२११९ नम्बरको बसलाई जाँच गर्ने क्रममा बसमा सवार उनीहरूलाई उक्त लागुऔषधसहित फेला पारी पक्राउ गरेको हो ।