आदमघाटबाट ४ केजी गाँजासहित २ जना पक्राउ

धादिङ,०८ चैत ।
धादिङको गजुरी गाउँपालिका–६ आदमघाटबाट अवैध लागुऔषध ४ केजी गाँजासहित २ जनालाई प्रहरीले पक्राउ गरेको छ ।

पक्राउ पर्नेहरुमा रुपन्देही ओमसतिया गाउँपालिका–४ बस्ने १९ वर्षीय मोहमद सरिफ खान र रुहणी गाउँपालिका–१ बस्ने २३ वर्षीय ईरफान खान रहेका छन् ।

अस्थायी प्रहरी पोष्ट आदमघाटबाट खटिएको प्रहरीले पैदल हिँडिरहेका उनीहरुलाई शंका लागी जाँच गर्ने क्रममा उक्त लागूऔषधसहित फेला पारी पक्राउ गरेको हो।