धादिङबेशीबाट नक्कली नोटसहित एकजना पक्राउ

धादिङ,१६ पुष।
धादिङबेशीबाट नक्कली नोटसहित एक जनालाई प्रहरीले नियन्त्रणमा लिएको छ ।

जिल्ला प्रहरी कार्यालय धादिङबाट खटिएको प्रहरी टोलीले मंगलबार धादिङको गंगाजमुना गाँउपालिका वडा नं.६ घर बताउने बिकाश नेपालीलाई नक्कली नोटसहित नियन्त्रणमा लिएको हो ।

मंगलबार साँझ करिब ५ बजे नीलकण्ठ नगरपालिका–३ धादिङबेशी बजारमा अवैध रुपमा नेपाली हजार दरको नक्कली नोटहरुको चलन तथा विक्री वितरण गर्न हिंडडुल गर्दै गरेको भन्ने सुचना पश्चात प्रहरीले बिकाशको शरिर खानतलासी गर्दा झट्ट हेर्दा सक्कली जस्तै देखिने हजारको दुई वटा नोट फेला पारी नियन्त्रणमा लिईएको प्रहरीले जनाएको छ ।

उनलाई खोटा चलन मुद्दामा धादिङ जिल्ला अदालतबाट ४ दिन म्याद थप गरी अनुसन्धान भईरहेको प्रहरीले जनाएको छ ।