मझिमटारबाट बिल बिजक नभएको सामान सहित एक ट्रक नियन्त्रणमा

धादिङ,२३ चैत ।
बेनिघाट रोराङ गाउँपालिका–९ मझिमटारबाट बिल बिजक बिनाको कपडा, कस्मेटिक लगायतका सामानसहित प्रहरीले एक ट्रक नियन्त्रणमा लिएको छ।

भ्याट विल र प्रज्ञापन पत्र विना नै सामानहरु ढुवानी भईरहेको भन्ने सूचनाको आधारमा मंगलबार प्रहरी चौकी जोगिमाराबाट खटिएको टोलिले नेपालगंजबाट काठमाण्डौं जाँदै गरेको ना ६ ख ४९१५ नं. को डिब्बा कन्टेनर ट्रकलाई नियन्त्रणमा लिएको हो ।

चेकजाँचको क्रममा २४ लाख ८८ हजार ८५८ बराबरको कपडा, कस्मेटिक, स्टेशनरी, ईलेक्ट्रिक लगायतका माल सामानहरु रहेको तर भ्याट बिल र प्रज्ञापन पत्र समेतका आवश्यक कागजातहरु नरहेकोले नियन्त्रणमा लिएको प्रहरीले जनाएको छ ।

ट्रकका चालक धादिङको गल्छी गा.पा. वडा नं. ८ निवुवाबोट बस्ने बर्ष २५ को उमेश थापालार्ई आवश्यक कारवाहीको लागि राजस्व अनुसन्धान विभाग हरिहर भवन,ललितपुर पठाईएको धादिङ प्रहरीले जनाएको छ ।