धादिङबाट हतियार खरखजाना मुद्दाका एक फरार प्रतिवादी पक्राउ

धादिङ,२८ बैशाख।
धादिङको नीलकण्ठ नगरपालिका ३ बाट हात हतियार खरखजना मुद्दाका एक फरार प्रतिवादी पक्राउ परेका छन् ।

पक्राउ पर्नेमा नीलकण्ठ नगरपालिका वडा नं.१ केराबारी बस्ने केराबारी कान्छा भन्ने बिनोद बहादुर गुरुङ रहेको जिल्ला प्रहरी कार्यालय धादिङले जनाएको छ ।

गुरुङलाई हातहतियार खरखजाना सम्बन्धी कसुरमा धादिङ जिल्ला अदालतले २०७८ मंसिर १४ गतेको आदेशले ४ महिना कैद र पाँच हजार जरिवाना तोकेको थियो ।

फरार रहेका गुरुङलाई खोजतलास गर्ने क्रममा बैशाख २६ गते मंगलबार पक्राउ गरी कैद तथा जरिवाना भुक्तानको लागि बुधबार कारागार चलान गरिएको प्रहरीले जनाएको छ ।