थाक्रेबाट १ किलो ९५० ग्राम गाँजासहित एक महिला पक्राउ

धादिङ,१३ श्रावण।
धादिङको थाक्रे गाउँपालिका–२ बाट १ किलो ९५० ग्राम गाँजासहित एक महिला पक्राउ परेकी छन्।

पक्राउ पर्नेमा मकवानपुर थाहा नगरपालिका–७ बस्ने ३१ वर्षीया शर्मिला मगर रहेकी छिन् ।

शनिबार बिहान साढे ९ बजे इलाका प्रहरी कार्यालय खानीखोलाबाट खटिएको प्रहरी निरीक्षक डबलबहादुर बमको टोलीले मकवानपुरबाट आउँदै गरेको बा ५ ख ६५९० नम्बरको बसमा सवार मगरको झोला चेक गर्दा त्यसमा टेपले बेरेको दुई वटा पोका गाँजा (पोल्यान्ड) फेला परेको प्रहरीले जनाएको छ।

यस विषयमा प्रहरीले थप अनुसन्धान गरिरहेको छ।