धादिङबाट १३ किलो अबैध लागुऔषध पोल्याण्डसहित एकजना पक्राउ

अडियोमा सुन्नुहोस

धादिङ– पृथ्वी राजमार्ग अन्तर्गत धादिङको धुनिबेसी नगरपालिका–६ बाट १३ किलो गाँजाको धुलो (पोल्याण्ड)सहित एकजना पक्राउ परेका छन् ।

पक्राउ पर्नेमा थाक्रे गाउँपालिका–३,मसिनो डाँडाका २४ बर्षिय गणेश तामाङ रहेको ईलाका प्रहरी कार्यालय खानिखोलाले जनाएको छ।

प्रहरीका अनुसार आज थाक्रेको महादेवबेशीबाट काठमाण्डौतर्फ जाँदै गरेको बागमती प्रदेश ०२–०३३ प ७२७१ नम्वरको मोटरसाइकल चेकजाँच गर्दा मोटरसाइकल चालक तामाङको साथबाट १३ किलो ६०० ग्राम गाँजाको धुलो फेला परेको हो ।

पक्राउ परेका तामाङमाथी थप अनुसन्धान भइरहेको प्रहरीले जनाएको छ।