मलेखुमा एसिड प्रहारबाट दुईजना घाइते,एक पक्राउ

अडियोमा सुन्नुहोस

धादिङको गजुरी गाउँपालिका वडा नं २ स्थित मलेखुमा एसिड प्रहारबाट दुईजना घाइते भएका छ्न्।

एसिड प्रहारबाट बेनिघाट रोराङ गाउँपालिका–३ रातमाटाका १८ वर्षीय दिपेश क्षेत्री र ६३ वर्षीय डम्बरबहादुर पुलामी घाइते भएको जिल्ला प्रहरी कार्यालय धादिङले जनाएको छ।

मलेखुमा रहेको भद्रकाली सुनचाँदी पसलका संचालक बेनिघाट रोराङ गाउँपालिका– ३ कात्राकका ३२ वर्षीय प्रविण विकले सामान्य विवादपछि आफ्नै सुनचाँदी पसलमा रहेको एसिड निकाली प्रहार गरेको प्रहरीले जनाएको छ ।

दिपेशको शरीरको विभिन्न भागमा तथा डम्बरबहादुरको अनुहारसहित शरिरमा एसिड प्रहार भएको प्रहरीले जनाएको छ ।

घाइतेहरुको मलेखु टिचिङ अस्पतालमा उपचार भइरहेको र एसिड प्रहार गर्ने विकलाई प्रहरीले नियन्त्रणमा लिएको छ।