धादिङका सन्तोष ६ थान नक्कली नोटसहित पक्राउ

अडियोमा सुन्नुहोस

धादिङ। काठमाडौं महानगरपालिका–३१ शंखमुलबाट नक्कली नोटसहित एक जना पक्राउ परेका छन् ।

मंगलबार राति प्रहरी वृत्त बानेश्वरबाट खटिएको प्रहरीले १ हजार दरको नोट ५ थान र ५ सय दरको नोट १ थान गरी ६ थान नक्कली नोटसहित धादिङ गजुरी गाउँपालिका–४ घर भई काठमाडौं शंखमुल बस्ने २३ वर्षीय सन्तोष चेपाङलाई पक्राउ गरेको हो।

एक खाजा घरमा नक्कली जस्तो देखिने नोट बोकेको मानिस रहेको भन्ने खबर प्राप्त हुनासाथ खटिएको प्रहरीले चेपाङलाई तलासी गर्दा उनको साथबाट उक्त नोट फेला पारी पक्राउ गरेको प्रहरीले जनाएको छ।

यस सम्बन्धमा प्रहरीले थप अनुसन्धान गरिरहेको छ ।