धादिङमा धारिलो हतियार प्रहार गरि श्रीमतीको हत्या,श्रीमान पक्राउ

धादिङ । धादिङको धुनीबेशी नगरपालिका–२ का रामचन्द्र बयलकोटीले आफ्नी श्रीमतीको हत्या गरेका छन्।

आइतबार २१ वर्षीया श्रीमती पवित्रा बयलकोटीको हत्या गरी भागेका रामचन्द्रलाई इलाका प्रहरी कार्यालय खानीखोलाबाट खटिएको टोलीले गएराति पक्राउ गरेको हो।

रामचन्द्रले श्रीमतीको अनुहार, घाँटी र पाखुरासहित ८ ठाउँमा धारिलो हतियार प्रहार गरेर हत्या गरी शव धैरेनी सामुदायिक वनको बाटोमा फालेको प्रहरीले जनाएको छ।

उनलाई नियन्त्रणमा लिएर थप अनुसन्धान भइरहेको प्रहरीले जनाएको छ।