बालिका बलात्कार कसुरमा धादिङका राजकुमारलाई १० वर्ष कैद र ५ लाख जरिवाना

धादिङ। बालिका बलात्कार गरेकोे कसुरमा जिल्ला अदालत धादिङले गजुरीका राजकुमार बरुवाललाई १० वर्ष कैद र ५ लाख जरिवाना फैसला गरेको छ ।

शुक्रबार जिल्ला न्यायधिस गोपाल प्रसाद बास्तोलाको ईजलासले १३ वर्षीया बालिकालाई बलात्कार गरेकोे कसुरमा गजुरी गाउँपालिका–१ का २७ वर्षीय बरुवाललाई कैदसँगै जरिवाना गर्ने फैसला गरेको अदालतका श्रेस्तेदार माधव भण्डारीले बागमती कलमलाई  जानकारी दिनुभयो ।

साथै पीडितले क्षतिपुर्ति नपाउने समेत फैसला गरिएको भण्डारीले बताउनुभयो ।

०७९ कात्तिक २६ गतेदेखि पटक पटक बलात्कार गरेको र पछिल्लो पटक ०८० जेठ १४ गते बलात्कार गरेको भन्दै जेठ १४ गते पीडित पक्षले इलाका प्रहरी कार्यालय गजुरीमा उजुरी दिएको र सोहीदिन धादिङ अस्पतालमा पीडित बालिकाको स्वास्थ्य परिक्षण गरिएको प्रहरीले जनाएको छ ।

प्रहरीले आरोपितविरुद्ध जिल्ला सरकारी वकिल कार्यालय मार्फत् असार ६ गते जबरजस्ती करणी गरेको अभियोगमा जिल्ला अदालतमा मुद्दा दर्ता गराई सोहिदिनदेखि पुर्पक्षका लागि थुनामा पठाईएको पनि प्रहरीले जनाएको छ।