धादिङ सिद्धलेककी उर्मिला मगर भन्सार छलि लैजान लागेको सुनसहित पक्राउ

धादिङ । भन्सार छलि अवैध रूपमा लैजान लागेको सुनसहित २ जना महिला पक्राउ परेका छन् ।

पक्राउ पर्नेहरूमा धादिङको सिद्धलेक गाउँपालिका–३ की २६ वर्षीया उर्मिला मगर र सुनसरीको बराहक्षेत्र नगरपालिका–१ की ३८ वर्षीया सन्चा कुमारी राई रहेका छन् ।

हिमालयन एयरलाईन्सको उडानद्वारा दुबईबाट नेपाल आएकी उर्मिलालाई विमानस्थलको आगमन टनेल गेटबाट नियन्त्रणमा लिई तलासी गर्दा पाईन्टभित्र लुकाई छिपाई भन्सार छलि लैजान लागेको अवस्थामा करिब ५० ग्राम तौलको सिक्री १ थान र करिब १८ ग्राम तौलको गणेशको मुर्तिको लकेटसहित सिक्री १ थान फेला पारी पक्राउ गरिएको प्रहरीले जनाएको छ ।

यसैगरी हिमालयन एयरलाईन्सको उडानद्वारा दोहाबाट नेपाल आएकी सन्चा कुमारीलाई त्रिभुवन अन्तर्राष्ट्रिय विमानस्थलको आगमन टनेल गेटबाट नियन्त्रणमा लिई तलासी गर्दा भित्री बस्त्रमा सुन जस्तो देखिने पहेलो रंगको धातुको करिब ११.६४ ग्राम तौलको बेरुवा औठी १ थान र करिब ५८.३२ ग्राम तौलको ब्रासलेट १ थान लुकाई छिपाई भन्सार छली लैजान लागेको अवस्थामा फेला पारी प्रहरीले पक्राउ गरेको हो ।

उनीहरूलाई आवश्यक अनुसन्धान एवम् कारवाहीको लागि त्रिभुवन विमानस्थल भन्सार कार्यालय गौचरमा बुझाइएको छ ।